Senter for Marxistiske og Matematiske Studium, Enschede (SMMSE)

Frå opprettinga av Senteret for om lag eit år sidan har vi hatt eit samarbeid med programvareutviklaren Mass Production - No Warranty Software (MP-NWS). MP-NWS har i ei årrekkje utvikla vitskapleg og politisk programvare, og mellom anna har utviklinga av logikkpianosimulatoren og slutningskalkulatoren vore samarbeidsprosjekt mellom MP-NWS og SMMSE.

Samarbeidet vil no verte vidareført i ei ny form. MP-NWS har taki ei avgjerd om å tilgjengeleggjere kjeldekoden til ei rekkje applikasjonar, og vil gjere dette gjennom SMMSE. I tida framover vil vi derfor presentere applikasjonar frå MP-NWS og samtidig leggje ut kjeldekoden.

I valet mellom eit utal lisensar for open kjeldekode og fri programvare (Senteret anerkjenner ikkje skilnaden, berre for å nemne det) vil koden verte distribuert under øl-varelisensen.